Immuna a naangay ti ababa a programa iti SB-ABC Hall. Indauluan ni Engr. Conrado Segui ti Municipal Assessor iti ababa a kararag. Inyam-ammo ni Mr. Dario Roy A. Siruno, Municipal Information Officer dagiti delegado a buklen dagiti LGU Officials, empleado ti LGU-Cabugao ken Barangay Captains.
Imbatad ni RTD Ms. Lydia Lopez nga idanonda ti serbisio ti Cadastral Survey tapno mapatituluan dagiti lote iti intero a Munisipalidad. Pinagyamanan ti Direktor ti LGU-Cabugao ta naikkanda pagopisinaan ti Contractor a mangtaming kadaytoy a trabaho. Inlatak pay ni Director Lopez nga iyunada ti 7 a barangays ti Cabugao ket sumurotto a makimiting kadagiti lumugar sakbay a maaramid ti Cadastral Survey kas paset ti Information and Education Campaign (IEC) ti opisinada. Malaksid iti Cadastral Survey dagiti dagdaga ket tamingenda pay dagiti political boundary ti Munisipalidad ken dagiti barangay nga adda ti pakaseknanda ti dulon. Innayon pay ni Director Lopez a nangsanaydan ti dua a Deputized Municipal Assessor Staff a mabalin nga agawat ti Application for Titling kalpasan ti Cadastral Survey.
Kalpasan ti naballigi nga Open Forum, nagturong dagiti nagpartisipar iti programa iti sango ti Municipal Hall (Municipal Garden) para iti Cutting of the Ribbon nga inannong da Mayor Ediboy ken ni Director Lopez nga inimatangan dagiti Opisiales ti LGU ken DENR.
Nakipaset iti nasao a taripnong da SBM Dr. Carlito S. Pano, SBM Vicky S. Serna, SBM Benedicto M. Savellano, SBM Josefina S. Vallejo, SBM Dr. Jemaima S. Tan-Yee ken SBM Carlos V. Sison, ken SB Secretary Maxfel S. Suboc. # (Web In-Action)
No comments:
Post a Comment