Cabugao, Ilocos Sur - Manarimaan a maipatpatungpal ti pannakaimbentario dagiti rehistrado a kalsada ti barangay (graveled ken concrete) kasta pay a mairaman dagiti Municipal Road, Provincial Road, ken rangtay iti intero a Munisipalidad ti Cabugao.Nangrugi daytoy nga aktibidad idi Enero 28, 2013 babaen iti Office Order ni Mayor Edgardo S. Cobangbang, Jr.
Iti pannakiuman ti Web In-Action iti Marso 11, 2013, imbatad ni Engr. Warren S. Siruno, Team Leader dagiti agrukrukod, nga addan 21 ti masakupanna a barangays a naileppasda ket itultuloyda ti trabahoda agingga a maipinalda ti 33 a barangay.
Daytoy a gannuat ket paset ti direktiba ni Mayor Edgardo “Ediboy” S. Cobangbang, Jr. tapno ma-update ti imbentario dagitoy nga impraestruktura ken pasilidades para iti Municipal Planning and Development Coordination (MPDC) ken kanaigna a pakasapulan ti LGU-Cabugao. # (Web In-Action)
No comments:
Post a Comment