ELECTRICAL TOOLS, INTED NI MAYOR EDIBOY KADAGITI NAGSANAY

Cabugao, Ilocos Sur – Inyallawat ni Mayor Edgardo “Ediboy” S. Cobangbang, Jr. dagiti electrical tools  kadagiti 20 nga agtutubo nga agsansanay iti Electrical Installation and Maintenance babaen iti DSWD idi Pebrero 28, 2013 iti Cabugao Cultural and Sports Complex, Brgy. Rizal, Cabugao, Ilocos Sur tapno adda usarenda a mangibiag ti naadalda nga ababa a kurso.
 
Inimatangan da Vice Mayor Danny Q. Gazmen ken MSWD Officer Mrs. Lydia S. Gazmen ti pannakaited dagiti ramit pang-elektrisidad nga usaren dagiti nagsanay.

Iti Marso 1, 2013, inted ni TESDA Provincial Director Joel Pilotin ti P3,550 1st Tranche  Allowance iti tunggal Trainee ti Electrical Installation and Maintenance kasta met iti P1,930 a para iti tunggal Trainee ti Beauty Care, kas iti Hilot,  (Massage).  # (Web In-Action)