Saturday, March 16, 2013

NAKITARIPNONG NI MAYOR EDIBOY KADAGITI DAY CARE WORKERS

Cabugao, Ilocos Sur – Nakitaripnong ni Mayor Edgardo “Ediboy” S. Cobangbang, Jr. kadagiti Day Care  Workers kadagiti  barangays  ti ili a Cabugao iti Opisina ti Municipal Town Executive iti Marso 15, 2013.

Iti pannakisinnukat dagiti Day Care Workers iti kapanunotanda  iti Ama ti Ili, nadakamat ti nababa a sueldo  dagitoy a mangisursuro no idilig ti pagrebbenganda a mangmulmuli ti naganus nga isip nga agbalin a masirib ken nasalun-at nga ubbing.

Iti laksid ti panangkita ti Gobierno Munisipal iti pannakaingato ti awaten ti tunggal DCW, impaganetget ni Mayor Ediboy a mamantener ti tulong dagiti nagannak kadakuada ngem masapul a mapnekda koma iti serbisioda a maisubli iti pannakasursuro dagiti ubbing. # (Web In-Action)

No comments:

Post a Comment