PROYEKTO TI RICE FALLOW, NAGBALLIGI ITI BRGY. BUNGRO

Cabugao, Ilocos Sur – Nagballigi ti proyekto a nagkammayetan ti DA-RFU 1 ken LGU-Cabugao nga impatungpal ti DA-LGU ken ti Bungro Farmer’s Association  iti 5 ektaria a rainfed area iti Brgy. Bungro, Cabugao, Ilocos Sur. No malpas ti apit iti Wet Season (Hunio-Disiembre), dati  a saanen a mamulaan dagitoy a disso ti talon  ta matikagan.

Inaplikaran ti Bungro FA ti proyekto nga itden ti Rice-Based Farming Systems in Rainfed Lowland Areas ti DA-RFU 1 babaen ti suporta ken  pannarabay ti LGU-Cabugao nga idauluan ni Mayor Edgardo “Ediboy” S. Cobangbang, Jr. 

Hybrid Yellow Corn ti immula ti FA iti 2nd Crop (Nobiembre 2012-March 2013).
Naaramid ti programa sakbay ti Accomplishment Review ken Dialogue kadagiti Benepisiario. Opening Prayer ni Mrs. Ester P. Aguimbag, AT. Nag-Welcome Remarks ni Mr. Nereo S. Daproza, AT. Acknowledgment & Presentation of Participants  ti binagi ni Municipal Agriculturist Zenaida S. Andrada.

 Iti Presentation of Results ti Hybrid Corn Production ni Bungro FA President Edy L. Sevilleja, natakuatan a gimmanansia ti asosasion nupay naikagumaananda a pinataud  ti danum iti bubon  a pinagmantenerda babaen iti ultimo-remedio a wagas babaen ti tulong ti DA-RFU 1.

Panagraem ti kabaelan ti FA a namagballigi  itoy  a proyekto ti kaipapanan dagiti mensahe da Ms. Wilma Ibea, Assistant Center Chief, Ilocos Norte Provincial Center, DA; Mr. Constante Butacion, pannakabagi ni Provincial Agriculturist Teofilo R. Quintal, OPAG-Ilocos Sur; Mrs. Edith Estacio, Sr. Agriculturist, ILIARC, Bacnotan, La Union; dagiti pannakabagi ti Philrice-Batac  ken DA-INPC. Dinakamatda pay ken pinagyamananda iti naregget a   suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti benneg ti Agrikultura.

Pinagyamanan ni SBM Benedicto  M. Savellano, Committee Chair on Agriculture iti agtultuloy a panangikumit ti DA-RFU 1 ken Philrice ti pannakasustener ti proyektoda ditoy Cabugao. 

Naaramid ti Hand-over of loan/seed money repayment ti Bungro FA Officers/Members kadagiti Opisiales ti DA-RFU 1. Nupay kasta, naisaganad met laeng ti Acceptance & Re-awarding iti Bungro FA ti seed money nga aggatad ti P150,000 para  iti roll-over projects ken iti expansion ti asosasion.

Inangay ni Mr. Edwin Joseph A. Franco, Site Implementer, ti pannakatulag ti sumaruno a proyekto ken aktibidades ti asosasion  para iti umay a Wet Season 2013 (Hunio-Nobiembre).

Kalpasan ti naballigi nga Open Forum, nagsasanguan dagiti nagpartisipar iti naisagana a pangngaldaw iti disso ti nagprogramaanda iti Barangay Bungro Chapel. # (Web In-Action)