UMAD-ADU TI MAPATANOR A BUFFALO

Cabugao, Ilocos Sur – Iti pannaki-amad ti Web In-Action iti Marso 4, 2013, imbatad ni Dr. Melvin G. Castro, DVM, nga umad-adu ti mapatanor a Water Buffalo ditoy Cabugao gapu iti Artificial Insemination Program a nagbuligan nga ipakpakat ti ti DA-LGU Cabugao ken  ti Philippine Carabao Center, Batac-based, Batac City.

Ditoy Cabugao, imbatad ni Dr. Castro nga adda uppat a barangay a nakaipakatan ti programa ken pito a napatanoren  a Water Buffalo. Insupusop ti Beterinario a nakalidad ti karne dagitoy a taraken ken naandurda iti pudot ken lamiis a pabor a taraknen dagiti mannalon.

Daytoy a programa ket paset ti Livestock Program ti  Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno matulongan dagiti mannalon a manayonan ti matgedanda babaen ti panagtarakenda  ti ayup ken panagdingo. # (Web In-Action)