DAY CARE MASS RECOGNITION, NAANGAY ITI 2 A CLUSTERS

Cabugao, Ilocos Sur – Naangay ti Cabugao Day Care Mass Recognition kadagiti 19  a barangay agraman iti NISTC Day Care Center  kas iti Alinaay Day Care Center (DCC), Aragan  DCC, Ca-ellayan DCC, Catucdaan DCC, Cuantacla DCC, Daclapan  DCC,  NISTC DCC,  Maradodon DCC, Salomague DCC ken Sisim  DCC iti bigat ti Marso 14, 2013  iti Cabugao Cultural and Sports Complex, Brgy. Rizal, Cabugao, Ilocos Sur

Iti malem ti Marso 14, 2013, binagi met dagiti Day Care Centers ti Baclig, Bato, Marga-ay, Nagsantaan, Namruangan, Pug-os, Quezon, Reppa-ac, Salapasap ken Turod.

Nangipaay  ti Inspirational Talk ni Mayor Edgardo "Ediboy S. Cobangbang, Jr. iti kabigatan ti programa. Dinakamat ni Mayor Ediboy nga iti panagadal ken panangtarabay kadagiti ubbing ket agnanayon a paset dagiti nagannak ken mangisursuro. Ti pannakaisaganada nga agbalin a responsable nga umili ti pagbanagan dagitoy a panagsakripisioda a pagimbagan met laeng iti sapasap.


Nagpaay a Guest Speaker ni Dr. Artemio P.  Seatriz. Bininsana ti pateg ti panangisagana kadagiti ubbing para iti naan-anay a panagtan-ayda kas community and  nationbuilder.

Kalpasan ti Grand March dagiti Day Care Children, naisaganad ti Pinning of Ribbons to the Graduates babaen kadagiti nagannak.

Naaramid met  ti Awarding of Silver Medal to the Outstanding Graduates babaen kadagiti Donors.

Naisaruno ti Awarding of Gold Medals to the Most Outstanding Graduates babaen kada  MSWD Officer Mrs. Lydia S. Gazmen, MSWD  Assistant Leonora G. Reintar ken Dr. Artemio Seatriz.

Naisaganad ti  Awarding of Gold Medals to the A1-Child babaen kadagiti Donors nga isuda  amin a Sangguniang Bayan Members nga idauluan ni Vice Mayor Danny Q. Gazmen.

Naaramid pay ti Awarding of Gold Medals to the Participants of the Municipal Children’s Congress kadagiti 20 a DCC iti benneg ti Draw and Tell, Singing & Folk Dance kasta pay iti  Awarding of Medals to the Participants of the Nutrition Month iti benneg ti Nutri Quiz, Singing ken Tula.

Pinagyamanan ni MSWD Officer Mrs. Lydia S. Gazmen kadagiti amin a nakigamulo  ken nagpartisipar iti naballigi a Day Care Mass Recognition  iti kada  sona. Impadamag pay ni Mrs. Gazmen nga adda iti Dental Health Care Program  para kadagiti ubbing babaen  ti LGU-Cabugao nga idauluan da Mayor Edgardo “Ediboy” S. Cobangbang, Jr. ken ni Vice Mayor Danny Q. Gazmen.
Nakipaset met iti nadakamat a mass recognition program da SBM Benedict M. Savellano ken  SB Member Carlos V. Sison.  # (Web In-Action)