MAMULAAN LATTA TI MUNICIPAL TECHNO-DEMO URAY AGTIKTIKAG

Cabugao,  Ilocos Sur – Iti pannaki-amad ti Web In-Action iti Marso 11, 2013, imbatad ni Mr. Edgar S. Balangatan,  AT/Techno-Demo Coordinator, a tinukitanda  kadagiti mayataday a klase ti maimula ti Municipal Tehno-Demo tapno masustener ti Off-season Crop para kadagiti mabalin nga imula a tuladen dagiti mannalon tapno isu pay a mainayon iti masapulanda iti panagtalon.

Innayon ni Mr. Balangatan a Hybrid a mais, balatong, lasona, pepino ken dadduma pay ti klasena a nateng ti naimula a mapattapatta a maapit dagitoy sakbay ti panagrubuat manen ti Wet Season Crop 2013 (Hunio-Nobiembre).
Kadua ni Mr. Balangatan ni Mr. Noel Rania, Job Order ti Munisipio  nga inaldaw a mangasikaso kadagiti naimula tapno manamnama a mapasubli ti naipuonanda kadagiti naimula. # (Web In-Action)