Cabugao, Ilocos Sur – Naangay ti Cabugao Day Care Mass Recognition kadagiti 10 a barangay kas iti Arnap Day Care Center (DCC), Bonifacio DCC, Cacadiran DCC, Carusipan DCC, Dardarat DCC, Nagsincaoan DCC, Pila DCC, Sabang DCC, Sagayaden DCC ken Turod Patac DCC iti Cabugao Cultural and Sports Complex, Brgy. Rizal, Cabugao, Ilocos Sur idi Marso 13, 2013.
Kalpasan ti Grand March dagiti Day Care Children, indauluan ni Miss Elizabeth Somera ti Invocation ken National Anthem ken Cabugao Hymn ni Mr. Ronie Solar. Welcome Address ni Mrs. Susana Bernabe, DCW Pila ken Words of Welcome ni Kenneth Siababa (Turod Day Care Child). Naisaganad ti Pinning of Ribbons to the Graduates babaen kadagiti nagannak.
Naaramid met ti Awarding of Silver Medal to the Outstanding Graduates babaen kadagiti Donors.
Nangipaay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman iti natunos a pannakaigannuat daytoy a naggigiddan a recognition dagiti Day Care Children. Innayon ti Ama ti Ili a dagiti kakastoy nga ar-aramiden kadagiti ubbing ket pakamulianda nga agbalin a responsable nga umili ken sumarunonto a mangaywan ti kakaisuna ken ipatpateg ti amin nga ili ti Cabugao.
Kinablaawan ni Mayor Ediboy dagiti nagannak, Guardians, mangisursuro, ub-ubbing, kaduana nga Opisiales ti Munisipio ken iti Guest Speaker, Mrs. Annalyn Siababa, Municipal Accountant.
In-Congratulate amin ti Alkalde Munisipal dagiti amin a naitabuno kadaytoy a Day Care Mass Recognition.
Naisaruno ti Awarding of Gold Medals to the Most Outstanding Graduates babaen kada Mayor Ediboy, MSWD Officer Mrs. Lydia S. Gazmen, SBM Vicky S. Serna ken SBM Benedict M. Savellano.
Naisaganad ti Valedictory Address ni Jhonley Sergio Lopez, Bonifacio DCC ken Awarding of Gold Medals to the A1-Child babaen kadagiti Donors nga isuda amin a Sangguniang Bayan Members nga idauluan ni Vice Mayor Danny Q. Gazmen.
Naaramid pay ti Awarding of Gold Medals to the Participants of the Municipal Children’s Congress kadagiti 10 a DCC iti benneg ti Draw and Tell, Singing & Folk Dance kasta pay iti Awarding of Medals to the Participants of the Nutrition Month iti benneg ti Nutri Quiz, Singing ken Tula.
Inyam-ammo ni Mr. Ferico S. Arcebal, Jr., Federation DCC Vice President ni Mrs. Annalyn Siababa, Municipal Accountant kas Guest Speaker.
Tinaming ni Mrs. Siababa iti panagsaritana iti pateg ti napintas a pannakaisagana ti pundasion dagiti ubbing nga umagpang iti biag. Maysa a kangrunaan iti rugi ti adalda iti Day Care a supsuportaran ti LGU. Dinakamatna dagiti nagannak iti di agpatingga nga anus ken sakripisioda a makipagmuli a kaduada dagiti mangisursuro iti napintas a masakbayan dagiti ub-ubbing. Nagyaman pay iti naited kenkuana a gundaway a mangted ti inspirasion a sarita kadagiti ubbing iti recognition day-da.
Nag-Farewell Speech ni Xavier Agabao ti Bonifacio DCC sa naaramid ti Awarding of Certificates to the Graduates babaen kada Mrs. Leonora G. Reintar, Mrs. Annalyn Siababa a binayabay ida ni SBM Vicky S. Serna. Binagi ni Mrs. Josephine Valencia, Arnap DCW ti nag-Closing Remarks. Pinagyamananna dagiti amin a nakigamulo ken nagpartisipar iti naballigi a mass recognition ti Day Care iti sonada.
Nakipaset met iti nadakamat a recognition program ni SB Member Carlos V. Sison.
Nag-Emcee da Mr. Ferico Arcebal, Jr., Mr. Ronie Solar ken Mrs. Evangeline Gabriel, agpapada a Day Care Worker. # (Web In-Action)
No comments:
Post a Comment