Friday, March 15, 2013

NAGMONITOR TI PAFC ITI MAKINARIA KEN PASILIDAD TI FA’S

Cabugao, Ilocos Sur – Naaramid ti panagmonitor dagiti pannakabagi ti Provincial Agriculture and Fishery Council (PAFC)-Ilocos Sur  nga idauluan ni Mrs. Lolita Arce, PAFC Coordinator a tinarabay da Municipal Agriculturist Zenaida S. Andrada ken MAFC Chairman Rogelio Barlolong idi Marso 14, 2013.

Partikular a napananda ket iti Farmer’s Associations ti Cael-layan, Bungro ken BACALL MPA ti Barangay  Baclig. Paset ti monitoring-da iti pananginterbiuda ti nakaitalkan ti makina wenno pasilidad kas annuroten ti Departamento ti Agrikultura a kadua ti LGU-Cabugao a nangited kadagitoy a ramit-agrikultura kadagiti mannalon.


Tallo a kangrunaan a kategoria ti ramit ti kinitada: Drying Facilities, Farm Equipments ken Storage Facilities nga adda aminen a nagun-od dagiti mannalon iti Cabugao.

Imbatad ni Mrs. Andrada a ti nabisitada  ket iti Kuliglig with generator iti Cael-layan Farmer’s Association kasta met laeng iti Bungro FA. Ti Rice Cutter ti kinitada iti BACALL MPA. Sumarsaruno a bisitaenda dagiti dadduma a pasilidad ti FA’s.


Nakipaset pay ni Mr. June Burgonio, MAFC Coordinator ti Sto. Domingo, Ilocos Sur  ken Vice Chairman, PAFC Ilocos Sur. # (Web In-Action)

No comments:

Post a Comment