Monday, August 11, 2014

3rd-DAY TI BAMBOO TRAINING, AD-ADU TI AKTUAL/WORKSHOP

Cabugao, Ilocos Sur –Naangay ti  3rd Day Training-Wokshop on Bamboo Stand Rehabilitation and Nursery Management iti Cabugao Cultural and Sports Complex, Brgy. Rizal, Cabugao, Ilocos Sur idi  Agosto 9, 2014.


Umabot ti 400 ti nagatendar  a katao a naggapu iti lima nga ili nga isuda dagiti kameng ken Opisiales ti Bamboo Growers Association iti ili ti Sto. Domingo, Magsingal, San Juan, Cabugao ken ti  Sinait. Kasta metten dagiti kameng ti 4-H Club ti  kada ili, mannalon, Barangay Officials ken estudiante ti Ilocos Sur Community College (ISCC) - Barangay Demo  Farm Campus, Brgy. Labnig, San Juan, Ilocos Sur nga idauluan ni Dr. Cesar Soller, DVM, Manager-Director, Mr. Dante U. Gagto,  Provincial Bamboo Coordinator ti Ilocos Sur .

Imbagian ni ABC President, Brgy. Captain Thaddeus U. Soller ni Mayor Edgardo “Ediboy” S. Cobangbang, Jr. 
Naaramid ti Propagation Activities iti bigat ti Agosto 9, 2014 a no sadino a ditoy ket nagturong dagiti nagseminar iti kaar-aramid a Bamboo Propagation Area iti asideg ti Municipal Greenhouse ti Barangay Baclig, Cabugao, Ilocos Sur.


Sakbayna, nagturong dagiti Staff ti Philippine Bamboo Foundation, Inc. ken kasta met iti Staff ni Vice Governor DV Savellano iti Barangay Tree Park Area ti Barangay Baclig tapno mangalada ti cuttings ti one node (maysa a buko) ti putedna a maidemonstrar a maimula iti Bamboo Propagation Site.

Inimatangan dagiti nagseminar ti aktual a pannakaisagana ti cuttings bed nangruna iti pannakailaok ti carbonized hull ken iti pannakaimula dagiti kawayan.

Naglektiur pay dagiti Staff ni Mr. Edgardo Carlos Manda, Presidente ti Philippine Bambbo Foundation, Inc. kalpasanna.


Simmaruno iti panagsubli dagiti nagseminar iti Sports Complex a ditoy a naangay ti Awarding of Certificates kadagiti nag-training. Inimatangan da Vice Governor DV Savellano, Mr. Edgardo Carlos Manda, Dr. Cesar Soller, DVM, Miss Edith Castillo iti pannakaited dagiti sertipiko kadagiti nagseminar a naggapu iti lima nga ili.

Naiyawag pay dagiti nangabak iti pakontes iti Bamboo Quiz ken dadduma a raffle games a napataud  kabayatan ti seminar. Naited dagiti premio. Naballigi ti panggep ti tallo nga aldaw a seminar, segun ken ni Dr. Cesar Soller, DVM. # (Web In-Action) 

No comments:

Post a Comment