Wednesday, August 13, 2014

AGTULTULOY TI COMMUNITY RELATIONS PROGRAM TI PNP-CABUGAO

Cabugao, Ilocos Sur – Segun kada PO3 Janice L. Oligario, Chief, PNCO ken PO1 Bernadette R. Aquino, WCPD-PNCO ket agtultuloy latta dagiti aktibidadda  iti Municipal Police Station-Cabugao nga idauluan ni Chief of Police, Police Chief Inspector  William Nacionales Nerona iti pakaseknan ti PNP Community Relations ita a bulan ti Agosto 2014.

Innayon ni PO3 Oligario, Chief, PNCO, PNP-Cabugao a dagiti sumaganad nga aramidenda:

1.Pannakaiwayat ti Feeding Program kadagiti ubbing iti masakupan daytoy a barangay ti ili.

2.Agtultuloy a pannakaawisda iti PNCO  nga aglektiur maipapan iti anti-drugs, anti-juvenile acts, ken pannakailawlawag dagiti dadduma a linteg a makasakup iti individual rights ken law enforcement. Maaw-awisda nga aglektiur kadagiti pageskuelaan ti High School, Barangay ken kadagiti dadduma pay a paguummongan iti barangay.

3.Kasarsaritada dagiti minor offenders ken violators iti naindiplomasiaan a wagas tapno maipasagepsep kadakuada iti disiplina ken kinatalna.

4.Ka-koordinarda dagiti Barangay Officials iti pakaseknan ti pagdur-asan ti iwayatda nga aktibidad ken programada.

5.Kasarsaritada dagiti Barangay Officials maipapan iti pannakamantener ti linak ken talna ken iti pakaseknan dagiti maipakatda a programada  iti barangay. # (Web In-Action)

No comments:

Post a Comment