Thursday, August 14, 2014

FRUIT TREE SEEDLINGS, INTED TI DA-HVCDP

Cabugao, Ilocos Sur – Segun ken ni MENRO-Designate Edgar S. Balangatan, AT, naisangpet ti 90 a Fruit Tree Seedlings (50 pieces Grafted Tamarind ken 40 a Pomelo) nga inted ti DA-RFO 1 –HVCDP idi Agosto 12, 2014.

Daytoy a maimula ket kiniddaw ti LGU-Cabugao babaen iti inisiatiba ti Municipal Agriculture Office (MAO)  a kas pangnayon kadagiti seedlings a naka-stand by iti Municipal Plant and Nursery a madadaan a maimula kadagiti estratehiko a disso a napintas a pagmulaan.

Maysa met daytoy a paset ti programa ken proyekto ti High Value Crops Development Program (HVCDP) iti Opisina ti Agrikultura iti Rehion Uno ken iti  Probinsia ti Ilocos Sur.

Ni Mrs.   Ester P. Aguimbag, Municipal HVCDP Coordinator ti nangallawat kadagitoy a naited a seedlings. # (Web In-Action)

No comments:

Post a Comment