Monday, August 4, 2014

PAMMADAYAW, NAITED ITI PNP-CABUGAO

Cabugao, Ilocos Sur - Napadayawan  dagiti mangbukbukel  iti Philippine National Police Personnel  iti Municipal Police Station ti ili a  Cabugao, Ilocos Sur kalpasan iti Flag Raising Ceremony iti imatang ti Pamilia LGU-Cabugao iti Agosto 4, 2014 ket inyawat ni Mayor Edgardo ”Ediboy” S. Cobangbang, Jr.  ti Certificate of Commendation-da ken  binayabay ni Vice Mayor Deogracias Jose Victorino H. Savellano agraman dagiti kameng ti Sangguniang Bayan nga isuda SB Member Danilo Q. Gazmen; SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; SBM Josefina S. Vallejo; SBM Benedicto M. Savellano, ken ni SBM Atty. Bryan Jett S. Pano kada Police Chief Inspector William Nacionales Nerona, Chief of Police,  a kaduana  ni Deputy Chief of Police,  Police Senior Inspector Nilo Rualizo Racoma agraman dagiti PNP Personnel and Staff iti sango ti Municipal Hall Building.


Nagun-od  ti Kapolisan ti ili a Cabugao daytoy a pammadayaw babaen iti epektibo ken episiente a pannakaiyimplimentar iti Municipality’s Program Against Illegal Drugs, segun iti linaon ti Resolusion ti Sangguniang Bayan ti ili  maipapan itoy a pammadayaw.

Pinadayawan ti Sangguniang Bayan ti ili a Cabugao, Ilocos Sur  ida babaen iti  nabukel a Resolution No. 29 Series of  2014  a nabukel idi Hulio 21, 2014 iti naaramid   a  Regular Session ti Konseho Munisipal.


Imbasa ni SB Secretary Maxfel S. Suboc ti  nasao a resolusion sakbay nga inyawat  ni Mayor Ediboy kadagiti napadayawan a PNP.

Iti panagsarita ni Mayor Ediboy kalpasan a mayawatna dagiti pakakitaan ti pannakapadayaw dagiti atleta iti benneg ti sports, kinablaawan ti Alkalde Munisipal iti Kapolisan iti nakapadayawanda. Inraman met ni Mayor Ediboy a binigbig iti aktibo a pannakibinnulig ti Bureau of Fire Protection (BFP-Cabugao)  kadagiti programa ti Munisipio. # (Web In-Action) 

No comments:

Post a Comment