Cabugao, Ilocos Sur –Agsasaruno latta iti pannakaiyusuat ti programa, aktibidad ken proyekto iti panangigannuat ti DA-OPAG-Ilocos Sur babaen iti pannakikammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr.
Iti update ti rekord ti DA-LGU Cabugao, dagiti sumaganad ti itineraria iti pakauna a lawlawas ti bulan ti Agosto 2014 kadagiti maseknan a maibaon nga agseminar ket dagiti maiyawidda nga adal/impormasion ket maiyallatiwdanto kadagiti mannalon/mangngalap:
1.Pannakaawis ti Municipal Representative ti LGU-Cabugao a nakimiting iti Plan of Action para iti Farm Business School a manamnama a mailunsad iti bulan ti Agosto-Disiembre 2014. Daytoy ket awis ti OPAG-Ilocos Sur babaen ken ni Mr. Teofilo Quintal, Provincial Agriculturist.
2.Inton Agosto 12, 2014 ket maaangay ti miting ti amin a mangbukel ti Provincial Agriculture and Fishery Council (PAFC) iti Vigan City ket napakaammuan ti Municipal Agriculture Fishery Council (MAFC) Chairman ti ili a Cabugao, Ilocos Sur nga agatendar.
3.Maaramid ti panagmiting dagiti dagiti Municipal RIC Coordinators ken Presidente ti Pederasion daytoy nga Asosasion inton Agosto 7, 2014 iti OPAG Conference Hall, Second Floor of the Provincial Library, Vigan City. Para iti panagplano iti umay a Regional RIC Congress inton Nobiembre 2014 ti Agenda. Naggapu ti pakaammo iti Municipal Agricultturist, OPAG-Ilocos Sur, Vigan City. # (Web In-Action)
No comments:
Post a Comment