Cabugao, Iloos Sur – Dakkel ti bimmabaan ti Dengue Cases iti ili ti Cabugao, Ilocos Sur no maikomperar idi tawen 2013, segun iti rekord ti Municipal Health Office-RHU Cabugao nga idauluan ni Dr. Bernardo M. De Gracia, OIC Municipal Health Officer.
Dagiti sumaganad ti mapapati a nakaigapuan ti panagbaba ti insidente ti kaso a dengue kas pinasingkedan pay ni Ms. Jeannette Garcia, Public Health Sanitary Inspector iti LGU-Cabugao:
1.Iraman dagiti RHU Personnel nga ibagbaga iti kada pasienteda iti inaldaw iti nasken nga aramidenda tapno maliklikn ti pannakakagat ti agranggas a lamok ken no kasano a paksiaten ida.
2.Pannakaiwayat ti nasaknap nga “Oplan Taob” a kangrunan a katinnulong ti DOH-LGU dagiti Opisiales ken kameng ti barangay ti ili.
3.Makoordinar dagiti ospital pribado/pampubliko iti uneg ti ili kasta met kadagiti kadarapat nga ili tapno ti maseknan a kinapet ti dengue nga agnaed ditoy nga ili ket matulongan pay a mangsaranget kadayta a sakit.
4.Mawarasan ti amin a household ti barangay iti OV-Trap tapno masigud a makeltay ti itlog ti lamok a mangpataud ti dengue no mapalusposan a dumakkel daytoy.
5.Maaramat pay ti de-fogging iti apektado a disso no nasaknapen ti panagwaras dagita a makadangran a lamok.
6.Agtultuloy a kooperasion ti tunggal Ahensia a manglapped iti itataud daytoy a sakit. # (Web In-Action)
No comments:
Post a Comment