GENERAL ASSEMBLY TI PTA-CABUGAO NORTH CENTRAL SCHOOL, NAANGAY

Cabugao, Ilocos Sur – Naangay ti General Assembly ti PTA-Cabugao North Central School, Cabugao, Ilocos Sur idi Agosto 2, 2014 iti Cabugao Cultural and Sports Complex, Brgy. Rizal, Cabugao, Ilocos Sur. Nagatendar dagiti kameng  ken Opisiales ti Parent-Teachers Association (PTA) nga idauluan ni Mr. Armando Azcueta agraman dagiti mangisursuro ken kasta metten dagiti Opisiales Lokal nga idauluan ni Mayor Edgardo “Ediboy” S. Cobangbang, Jr.
Nairugi ti Meeting babaen  iti Opening Prayer nga indauluan  ni Mrs. Digna R. Talusig, Grade VI Burgos Adviser. 

Kalpasan ti pannakakanta ti  Cabugao Hymn, nag-Welcome Greetings ni Mrs. Evangeline U. Seatriz, CNCSTA President.
Naisaruno ti pannakaireport dagiti nagapuanan ti PTA babaen kada Mr. Maxfel S. Suboc, PTA President, 2013-2014 ken ni School Principal II,  Mrs. Estrellita M. Siruno. Nagpokus ti reportda iti Pupil Development, Teacher Development, Curriculum Development, ken iti Physical Facilities Development.

Nangipaay ti Mensahe ni SBM Dr. Jemaima S. Tan-Yee, Committee Chair on Education. Kimmablaaw ken nagyaman iti napintas a timpuyog ken gapuanan ti nagkammayet a nagannak ken mangisursuro a mangtartarabay kadagiti ubbing nga agad-adal.

Naisaruno ti Financial reports iti benneg ti PTA Funds; School Fund; School Canteen Fund kasta metten ti Updates iti DepED Policies and Guidelines iti paset ti School Regulations, General Guidelines on the Opening of Classes/Early registration, Enhanced K to 12 Basic Education, School Calendar, Suspension of Classes due to typhoon & other calamities, Grading system, Authorized contribution, Religious instruction ken Saturday Math Class.
Naisaganad ti Oath-taking dagiti naelektaran a Board of Directors nga inannong ni Mayor Edgardo “Ediboy”  S. Cobangbang, Jr.

Iti mensahe ni Mayor Ediboy, kimmablaaw ken dinayawna ti kinatunos dagiti mangbukbukel iti PTA ken iti Teaching Staff ti pagadalan nga agdadanggay iti pannakapasayaat ti pageskuelaan ti Cabugao North Central School. Impeksa ti Ama ti Ili iti agtultuloy a panangilungalongna ken   suporta ti Gobierno Munisipal kadagiti mainayon a pagsayaatan iti pagadalan. Kinablaawanna pay  dagiti nagsapata nga Opisiales nga idauluan ni Mr. Armando Azcueta, Presidente, iti CY 2014-2015.

Pinagyamanan ni Mr. Armando Azcueta iti agtultuloy a panangtarabay ti LGU-Cabugao nga idauluan ni Mayor Ediboy kadagiti programa ken proyektoda iti Cabugao North Central School kasta metten  a pinagyamananna dagiti kakaduana nga opisiales ken kameng ti PTA-Guardians  a kadanggayda a mangatibay kadagiti ubbing iti panagbasada.

Nagyaman met ni Mrs. Estrellita M. Siruno, Principal II iti Closing Remarks-na iti agtultuloy a pannakitinnulong ti PTA kasta metten iti LGU-Cabugao iti pagdur-asan ti pageskuelaan ken ti naballigi a resulta ti General Assembly Meeting.

Nagpaay nga Emcee da Mrs. Maryjane S. Sagun ken ni Mrs. Arlene V. Mejia. # (Web In-Action)