Thursday, August 14, 2014

PAY-OUT TI SOCIAL PENSION, NAARAMID

Cabugao, Ilocos Sur – Naaramid ti pannakaited ti pension dagiti Senior Citizen a naggapu iti 33 a barangay ti ili a Cabugao, Ilocos Sur  nga agdagupda iti  272 a bilang ti nataengan (63 a dati nga agaw-awat ken 209 a baro nga agawat) idi Agosto 13, 2014 iti Cabugao Cultural and Sporst Complex, Brgy. Rizal, Cabugao, Ilocos Sur.


Segun ken ni Mrs. Lydia S. Gazmen, Municipal Social Welfare Development Officer ti ili ket inawat dagiti nadakamat a bilang ti sag-P3,000 ti tungga maysa a kaibatogan ti innem a bulan. P500 ti kada bulan ti awaten ti tunggal maysa kadagitoy nga umaw-awat ti pension nga aggapu iti Department of Social Welfare and Development (DSWD).

Iti dayta a petsa, nasapa a dimteng iti Complex dagiti nataengan ket timmulong a nagasikaso dagiti kameng ti Muniucipal Link - 4 P’s iti panagrehistro dagiti maseknan a nataengan  sakbay nga inawatda ti pensionda.
Indauluan ni Ms. Teresita Emock, pannakabagi ti DSWD Region 1 dagiti natudingan a nagited ti pension. # (Web In-Action)

No comments:

Post a Comment