Cabugao, Ilocos Sur – Simmangbay dagiti pannakabagi ti nadumaduma nga Ahensia ken Opisina kas iti DA-Central Office; DA-RFO 1, OPAG-Ilocos Sur, Regional Agriculture and Fishery Council (RAFC), PAFC, DA-INREC, FPRDI-DOST, Los Banos ken ti PSTC-Ilocos Sur iti opisina ti Municipal Agriculture Office-LGU Cabugao.
Pinasangbay ida ni Municipal Agriculturist Zenaida S. Andrada idi malem ti Agosto 14, 2104 kas kadagiti sumaganad:
1.Immay nagdamdamag da RAFC Coordinator (DA-RFO 1) Milagros de la Rosa ken ni PAFC Coordinator (OPAG-IS) Lolita Arce maipapan iti kasasaad dagiti naited a proyekto ken dagiti mannalon ta kasapulanda iti Agriculture and Fishery Council Profiling dagiti maalada a datos.
2.Nagkukuyog da Ms. Mitchie Sibuam, Ms. Angelica Ecito, agpada a pannakabagi ti DA-Central Office a kinadua da Ms. Kristhel Martirez ken ni Ms. Eden Ruth S. Ines ti DA-INREC ken ingiya ni Mr. Ronel Anor ti Barangay Dardarat ta mapanda kitaen ti kasasaad ti Check Structure ti Nangaraban Farmers Irrigator’s Association iti Barangay Turod Patac, Cabugao, Ilocos Sur. Daytoy a programa ket paset ti Small Scale Irrigation Project ti Ahensia ti DA para kadagiti pananuman dagiti mannalon.
3.Immay met da Ms. Grecelda A. Eusebio; Mr. Ruben A. Zamora iti FPRDI – DOST Los Banos, Laguna a kaduada ni Mr. Ramon Sumabat ti PSTC-Ilocos Sur ket aramidenda iti panagsurbey maipapan iti Tobacco Flue Curing kadagiti barangay ti ili.
Innayon ni Mrs. Andrada a dagitoy a pakaseknan dagiti nadakamat nga Ahensia/Opisina ket naaksionan babaen iti itutulong ti opisinada a para iti pagsayaatan ti serbisio a maited kadagiti mannalon ti ili a Cabugao, Ilocos Sur. # (Web In-Action)
No comments:
Post a Comment