Tuesday, August 12, 2014

GENERAL ASSEMBLY TI PTA-CABUGAO SOUTH CENTRAL SCHOOL, NAANGAY

Cabugao, Ilocos Sur – Naangay ti General Assembly Meeting ti PTA-Cabugao South Central School, Cabugao, Ilocos Sur idi malem ti Agosto 10, 2014 iti Social Hall, Brgy. Bonifacio, Cabugao, Ilocos Sur. Nagatendar dagiti kameng  ken Opisiales ti Parent-Teachers Association (PTA) nga idauluan ni Mr. Percival Somera agraman dagiti Guardians.
Nairugi ti Meeting babaen  iti Opening Prayer nga indauluan  ni Mr. Rommel M. Santella. Kalpasan ti pannakakanta ti  Cabugao Hymn, nag-Welcome Talk ni Percival Somera, PTA President.


Naisaruno ti Presentation of Teaching Staff; naisaganad ti Roll Call ken Accomplishment Report. Nag-Message ni Mrs. Melvie S. Sajonia, Principal II. Nagyaman iti agtultuloy a pannakitinnulong ti PTA kasta metten iti LGU-Cabugao iti pagdurdur-asan ti pageskuelaan. Dinayawna ti kinamannakitinnulong dagiti nagannak, Guardians iti pannakamantener  ti pagadalan ti South.

Naisaruno ti pannakaireport dagiti nagapuanan ti PTA babaen iti Financial Reports iti benneg ti PTA Funds; School Fund; School Canteen Fund kasta metten iti Graduation.


Naisaruno ti School Concerns and Issues kas iti School Safety Rules and Measures, Child Protection Policy/Anti-Bullying,  Brigada Eskwela, School Feeding Program, Preparation of School Garden  (SIGA), Schedule of Work/Clean up Drive, Cleanliness and Beautification, Membership to Organization (MB, GSP, BSP, Sports, Choir), DepED Issuances ken dadduma pay a pakaseknan ti PTA.

Naisaganad ti Open Forum ket naidatag dagiti amin a problema ken pakaseknan iti uneg ti pagadalan ket natratar a nasayaat ken napagpapatangan iti solusionda.


Nangipaay ti Words of Gratitude ni Mr. Edgardo P. Sajonia, CSCSTA President. Pinagyamanan ni Mr.  Sajonia iti agtultuloy a panangtarabay ti LGU-Cabugao kadagiti programa ken proyektoda iti Cabugao South Central School kasta metten  a pinagyamananna pay dagiti kakaduana nga opisiales ken kameng ti PTA-Guardians  a kaduada  a mangisuro iti pagsayaatan kadagiti ubbing iti panagadalda.

Nagpaay a Moderators da Mrs. Annabelle R. Ancheta ken ni Miss Jennifer D. Savellano. # (Web In-Action)

No comments:

Post a Comment