Friday, August 1, 2014

SELEBRASION TI BUWAN NG NUTRISYON, NAANGAY

Cabugao, Ilocos Sur – Naangay ti programa a mangkulminar iti Buwan ng Nutrisyon babaen iti Tema: “Kalamidad Paghandaan: Gutom at Malnutrisyon Agapan” iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti ubbing nga agad-adal, mangisursuro, PTA-Guardians (Members and Officers) iti Cabugao North Central School kasta met dagiti Opisiales Lokal ti Cabugao, Ilocos Sur iti malem ti Hulio 31, 2014.

Nalukatan ti Programa babaen iti Kararag  nga indauluan ni Elvis Nicholai Sesuca, Grade VI ken Pambungad na Salita ni Vince Carlo Saupan, pangulo ti SPG. 


Kalpasan ti panagkanta ni John Mark Serrano ken Aira Joy Pichay, Gade VI, naiparang ti Katutubong Sayaw babaen iti Dance Troupe.

Nangipaay ti Mensahe ni SBM Dr. Jemaima S. Tan-Yee, Committee Chair on Education ket kimmablaaw ken nagyaman ta sangsangkamaysa dagiti agad-adal, mangisursuro ken nagannak a mangipakita  ti pateg ti Nutrision iti pagadalan. Dinakamatna met ti pannakikaysa ti LGU-Cabugao ken ti Konseho Munisipal iti pannakailungalong kadagiti mainayon a pagsayaatan ken serbisio a mangidur-as iti benneg ti  nutrisyon.

Naaramid ti Intermission Number ni Elisa Joy Sioquin, Grade VI.


Nangipaay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman iti natimpuyog a pannakaigannuat ti programa iti Sports Complex.

Anag ti Mensahe ni Mayor Ediboy ket pagyamyamananna iti amin nga umili ta  naimula iti isipda ti pateg ti nutrisyon a mangmuli iti napintas a panagtan-ay dagiti agad-adal a mangiturong  iti mainayon a naresponsable nga umili iti masakbayan.

Innayon ti Ama ti Ili nga iti kinasagana ti tunggal maysa kadagiti sumangbay a kalamidad kas ibatad ti Tema ti programa ket agresulta iti nasayaat a pagbanagan dagiti maseknan.


Nagpabuya ti Male Dance Group. Naipakaammo dagiti nangabak iti pakontes iti panagluto; panagaramid ti slogan ken iti panagaramid ti poster a naaramid iti uneg ti pageskuelaan iti kabigatan dayta a petsa.

Naaramid ti Closing Remarks babaen ken ni Ms. Julie S. Sajor, H.E. Coordinator. Nagyaman iti amin a nakipaset iti naballigi a selebrasion ken kasta met iti pannakitinnakunaynay dagiti Opisiales Lokal ti ili kabayatan iti Programa. # (Web In-Action)

No comments:

Post a Comment