Cabugao, Ilocos Sur – Naangay itay nabiit ti panagmiting dagiti kameng ti Municipal Solid Waste Management Board iti Opisina ti Mayor tapno tratarenda iti maipapan iti Solid Waste Management Program ti Munisipalidad.
Kangrunaan a natratar ket iti Evaluation/Consultation iti pannakaiyimplimentar ti Cabugao Solid Waste Management Contract ken iti pannakaipabaro ti Kontrata iti naisapribado nga operasion ti pannakaidalimanek ti basura iti ili.
Nagatendar iti nasao a miting da SBM Dr. Jemaima S. Tan Yee, Presiding Officer ken Committee Chair on Environment; Vice President for Operations ti LGA Tech., Inc., Ms. Revelina Bayona; Mr. Florante Jara, MPDC; Department Heads/Section Chiefs ti LGU-Cabugao; MENRO-LGU; pannakabagi ti Cabugao DepED District; ken Representatives ti nadumaduma a Non-Government Organizations (NGO’s).
Segun ken ni Mr. Edgar S. Balangatan, MENRO-Designate, a napagkaykaysaan a maikkan ti uppat a bulan a pawayway ti LGA Tech., Inc. sakbay a mapagsasaritaan ti pannakaipabaro ti kontrata daytoy ken iti Munisipio. # (Web In-Action)
No comments:
Post a Comment