Cabugao, Ilocos Sur – Kalpasan ti Flag Ceremony iti Nobiembre 17, 2014, naipakaammo dagiti nangatiw a Team iti naaramid nga LGUlympics 2014 ti Local Government Unit (LGU)-Cabugao, Ilocos Sur idi malem ti Nobiembre 14, 2014 idiay Cabugao District Athletic Oval, Cabugao South Central School, Brgy. Bonifacio, Cabugao, Ilocos Sur.
Buklen dagiti nagsasalip a Team iti Mocha Team nga idauluan ni Budget Officer Miss Marietta S. Cruz; White Team nga idauluan ni MSWD Officer Mrs. Lydia S. Gazmen; Yellow Team nga idauluan ni SB Secretary Maxfel S. Suboc ken ti Blue Team nga idauluan ni Municipal Treasurer Lourdes A. Azcueta.
Inyalat ti Mocha Team ti Over-all Standing kadagiti naaramid a Games ket daytoy ti umuna nga agkampeon itoy a paliga ti LGU-Cabugao kadagiti empleadoda.
Impeksa ni Mayor Edgardo “Ediboy” S. Cobangbang, Jr. ti ragsakna ken panagyamanna kadaytoy a parte ti kapadasan ti LGU a didanto kalipatan. Kimmablaaw ni Mayor Ediboy iti amin a nagpartisipar ken nangabak iti umuna a Paliga ti LGU-Cabugao ken iti napintas a langenlangen dagitoy a nagsasalip. Kinablaawan pay ti Ama ti Ili dagiti timmarabay a Municipal Officials, kameng ti PNP ken BFP a nakidanggay ken nagbuya iti nadakamat a salisal dagiti uppat a Team ti LGU-Cabugao.
Innayon ti Ama ti Ili nga impadamag iti nakasaysayaat a komento dagiti kaaduan kadaytoy nga umuna a paliga ti LGU ket agpaay daytoy a “working progress” para kadagiti sumarsaruno nga aktibidad a maigannuat a kapada daytoy.
Simmaruno ti panangipakaammo ken panangyawat ni Mayor Ediboy ti dakkel a Tropeo nga insagut ni Gobernador Ryan Luis V. Singson para iti nag-Kampeon ti pay-ayam kasta pay iti Cash Award nga inawat dagiti dadaulo dagiti nakipartisipar a Team.
Nangipaay met ti Pammadayaw ken Gunggona ni Mr. Ben Sumibcay, Balikbayan a kanayon a tumultulong iti pagimbagan ti ili ti Cabugao.
Iti Awarding, bimmayabay ken ni Mayor Ediboy da Vice Mayor DJ Savellano, SBM Danny Q. Gazmen, SBM Dr. Jemaima S. Tan-Yee, SBM Vicky S. Serna, SBM Benedicto M. Savellano, SBM Jayhan Alcid-Tan, SBM Atty. Bryann Jett S. Pano, SBM Josefina S. Vallejo ken ni ABC President Thaddeus U. Soller. # (Web In-Action)
Buklen dagiti nagsasalip a Team iti Mocha Team nga idauluan ni Budget Officer Miss Marietta S. Cruz; White Team nga idauluan ni MSWD Officer Mrs. Lydia S. Gazmen; Yellow Team nga idauluan ni SB Secretary Maxfel S. Suboc ken ti Blue Team nga idauluan ni Municipal Treasurer Lourdes A. Azcueta.
Inyalat ti Mocha Team ti Over-all Standing kadagiti naaramid a Games ket daytoy ti umuna nga agkampeon itoy a paliga ti LGU-Cabugao kadagiti empleadoda.
Impeksa ni Mayor Edgardo “Ediboy” S. Cobangbang, Jr. ti ragsakna ken panagyamanna kadaytoy a parte ti kapadasan ti LGU a didanto kalipatan. Kimmablaaw ni Mayor Ediboy iti amin a nagpartisipar ken nangabak iti umuna a Paliga ti LGU-Cabugao ken iti napintas a langenlangen dagitoy a nagsasalip. Kinablaawan pay ti Ama ti Ili dagiti timmarabay a Municipal Officials, kameng ti PNP ken BFP a nakidanggay ken nagbuya iti nadakamat a salisal dagiti uppat a Team ti LGU-Cabugao.
Innayon ti Ama ti Ili nga impadamag iti nakasaysayaat a komento dagiti kaaduan kadaytoy nga umuna a paliga ti LGU ket agpaay daytoy a “working progress” para kadagiti sumarsaruno nga aktibidad a maigannuat a kapada daytoy.
Simmaruno ti panangipakaammo ken panangyawat ni Mayor Ediboy ti dakkel a Tropeo nga insagut ni Gobernador Ryan Luis V. Singson para iti nag-Kampeon ti pay-ayam kasta pay iti Cash Award nga inawat dagiti dadaulo dagiti nakipartisipar a Team.
Nangipaay met ti Pammadayaw ken Gunggona ni Mr. Ben Sumibcay, Balikbayan a kanayon a tumultulong iti pagimbagan ti ili ti Cabugao.
Iti Awarding, bimmayabay ken ni Mayor Ediboy da Vice Mayor DJ Savellano, SBM Danny Q. Gazmen, SBM Dr. Jemaima S. Tan-Yee, SBM Vicky S. Serna, SBM Benedicto M. Savellano, SBM Jayhan Alcid-Tan, SBM Atty. Bryann Jett S. Pano, SBM Josefina S. Vallejo ken ni ABC President Thaddeus U. Soller. # (Web In-Action)
No comments:
Post a Comment