Cabugao, Ilocos Sur – Nagun-od ti Baclig-Callaguip-Lusong Suyo Multipurpose Association (BACALL MPA) nga idauluan ni Mr. Dominador Reynold S. Sabio, Presidente, ti Farm Tractor (Mc Cormick Brand) babaen iti Farm Mechanization Program (85-15 % Counterparting Scheme) iti Department of Agriculture (DA) ken ti Opisinana iti Regional Field Office No. 1, San Fernando City, La Union idi Oktubre 31, 2014.
Kalpasan ti Flag Ceremony iti Nobiembre 3, 2014, naipan ti nasao a Farm Tractor iti sango ti Munisipio ket indauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano dagiti Municipal Officials a nangimatang iti panangipakita dagiti Miembros ken Opisiales ti BACALL MPA daytoy a nagun-od ti Asosasion a makinaria.
Impeksa ni Mr. Sabio ti panagyamanna iti LGU-Cabugao nga idauluan ni Mayor Ediboy iti agtultuloy a panangtarabayda kadagiti asosasion a pakaibilangan ti BACALL MPA iti pannakasagrapda iti pagsayaatan nga itden ti Farm Mechanization Program ti DA.
Nagatendar met dagiti Staff/Personnel ti DA-LGU Cabugao nga idauluan ni Municipal Agriculturist Zenaida S. Andrada iti daytoy a panagtitipon. # (Web In-Action)
No comments:
Post a Comment