Cabugao, Ilocos Sur – Kas maysa nga Special Education (SPED) Center ti Cabugao DepED District iti Ahensia ti DepED, aktibo met a maipakpakita ti pannakaisuro/pannakataming dagiti ubbing nga “in needs” iti pannakamuli ti pisikal ken mental a kabaelanda tapno naan-anay iti pannakilangenda iti kagimongan a paggargarawanda.
Maysa kadagiti nakallalagip nga aktibidad ti pannakipaset ti SPED Cabugao iti naaramid a Division SPED Olympics nga addan ti Tema: “Talino at Paninindigan ng Taong May Kapansanan Pasaporte sa Kaunlaran”.
Nagatendar dagiti ubbing nga adda an-annayenna a tinarabay da Mrs. Perla S. Sajonia, SPED Teacher ken ni Mrs. Melvie S. Sajonia, Principal II ti Cabugao South CS agraman dagiti nagannak dagiti ubbing iti nasao a salisal dagiti SPED Children.
Dagiti puesto a nagun-od ti SPEC Cabugao Team ket dagiti sumaganad:
3rd Place, Spelling, 2nd Place 200 -meter run, 2nd Place Poster Making. # (Web In-Action)
No comments:
Post a Comment