Cabugao, Ilocos Sur – Umay manen ti panagmumula ti pagay ti Main Crop (November 2014-Mayo 2015) ket nangiparuar ni Municipal Rice Program Coordinator Nereo S. Daproza ti pammasingked nga adda latta ti mamulaan ita nga aganay iti 200 ektaria a matalon iti sapasap nga ili ti Cabugao, Ilocos Sur.
Innayon ni Daproza a malaksid ti 42 ektaria a mamulaan ti Hybrid; adda ti 155 ektarias a Certified seeds; ken 8 ektaria ti Seed Production dagiti Palay Seed Growers.
Insupusop pay ni Daproza a babaen kadagitoy a matalon ket maapit ti 7 Metrika-tonelada a mainayon a naapit dagiti mannalon itay Wet Season 2014 (Hunio-Oktubre).
Maikadua ita a kaaduan a maimula ti Mais ken dadduma pay a cash crops ken kaaduan ti Birhinia a Tabako, segun pay iti DA-LGU Cabugao. # (Web In-Action)
No comments:
Post a Comment