BARO A DEPUTY COP TI CABUGAO, NAIYAM-AMMO

Cabugao, Ilocos Sur – Kalpasan ti Flag Ceremony idi Nobiembre 10, 2014, inyam-ammo ni Chief of Police William Nacionales  Nerona ti ili a Cabugao ti kabarbaro nga agtakem a Deputy Chief of Police iti kinatao ni Police Inspector Ramil Aquino Llarenas iti imatang ti Pamilia LGU ken dagiti Municipal Officials nga idauluan ni Mayor Edgardo “Ediboy” S. Cobangbang, Jr.

Pinagyamanan ni Police Inspector  Ramil A. Llarenas ti pannakaidestinona  ditoy Cabugao ket impeksana ti reggetna a mangiserbi iti kabaelanna a kas pannakabagi ti linteg iti pannakamantener ti linak ken talna ditoy nga ili.

Binigbig met ni Mayor Ediboy ti pannakadutok ti Baro a PNP Deputy Chief ti ili ket pinadayawanna ti agtultuloy a napintas a serbisio ti Kapolisan ken ti Bureau of Fire Protection (BFP), Pamilia LGU  agraman dagiti Opisiales Lokal a katinnulongna  nga agipatpatungpal iti linteg ken serbisio para  iti pagsayaatan dagiti umili. # (Web In-Action)