Cabugao, Ilocos Sur – Naaramid ti LGUlympics 2014 ti Local Government Unit (LGU)-Cabugao, Ilocos Sur idi malem ti Nobiembre 14, 2014 iti Cabugao District Athletic Oval, Cabugao South Central School, Brgy. Bonifacio, Cabugao, Ilocos Sur.
 |
| CLICK HERE TO VIEW MORE PHOTOS |
Buklen dagiti nagsasalip a Team iti Mocha Team nga idauluan ni Mr. Dario Roy Siruno; White Team nga idauluan ni Mr. Kevin Somera; Yellow Team nga idauluan ni SB Secretary Maxfel S. Suboc ken ti Blue Team nga idauluan ni Municipal Treasurer Lourdes A. Azcueta a dagiti kamengda ket bin-ig nga agtartarabaho iti LGU-Cabugao.
Immuna a nabuya ti panagparada dagiti mangbukel ti tunggal Team iti aglikmut ti Oval. Kalpasan ti Parada, naaramid ti ababa a programa ket indauluan ni Engr. Conrado Segui iti Municipal Assessor’s Office ti pannakaidaton ti ababa a kararag.
 |
| CLICK HERE TO VIEW MORE PHOTOS |
Nangited ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman iti amin a nagpartisipar ken nagbuya iti umuna a Paliga ti LGU-Cabugao. Impeksa ni Mayor Ediboy ti ragsakna a makaimatang iti ipakpakita dagiti adda iti Munispio a kinatunos ken napintas a langenlangen dagitoy.
Simmaruno ti panangited ni SBM Atty. Bryann Jett S. Pano, Committee Chair on Sports ti Oath of Sportsmanship.
 |
| CLICK HERE TO VIEW MORE PHOTOS |
Naaramid ti panagsalip dagiti Cheering Squad ti tunggal Team. Nagpaay a Hurado dagiti lima a Young Public Servant nga idauluan ni Vince Carlo Saupan.
Simmaganad ti Game Proper. Napagsasalipan dagiti uppat a Team iti Volleyball (Men/Women), Running Relay, Tug-of War, Discuss Throw, Shot Put ken ti Basketball.
Timmulong dagiti Sports Official/Referees ti Cabugao DepED District nga idauluan ni Mr. Ronel M. Ubaldo, District PESS Coordinator iti pannakaiwardas dagiti paay-ayam. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment