Cabugao, Ilocos Sur – Naangay ti Coronation Rites ti Mr. & Ms. Science 2014 iti Cabugao North Central School babaen iti Tema: “Arming Science Clubbers with Healthful Defenses Towards National Wellness” idi Nobiembre 10, 2014 iti Cabugao Cultural and Sports Complex, Brgy. Rizal, Cabugao, Ilocos Sur.
Nag-Welcome Talk ni Mr. Armando Azcueta, President ti PTA ket nagyaman ta maipatungpal daytoy nga aktibidad ditoy pageskuelaanda ken masurnadan dagiti aktibidad a mangipaay ti sirib iti pakaseknan ti siensia kadagiti ubbing ken iti aglawlaw.
Nakoronaan da His Royal Highness King Lance Aeron Edralin 1st ken ni Her Majesty Queen Hana Kanani Solis 1st.
Kinoronaan da Mayor Edgardo “Ediboy” S. Cobangbang, Jr. ken ni SBM Dr. Jemaima S. Tan-Yee ti King ken Queen.
Nasangaili ken nagmensahe ni Mayor Edgardo “Ediboy” S. Cobangbang, Jr. Kimmablaaw ken nagyaman ni Mayor Ediboy ta makatakunaynayna dagiti ubbing nga agduyos iti siensia. Innayon ti Alkalde Munisipal a napateg daytoy a sirib a maipasagepsep iti naganus a panunot dagiti ubbing ta iti siensia ket maysa a napateg a ramen ti panagbiag ti tao ken iti kagimongan a paggargarawanda. Kuna ti Ama ti Ili a makikaysa isuna iti sektor-edukasion iti gannuat a mangipromot ti pannakapadur-as ti kagimongan babaen ti Siensia kas ipaganetget ti Tema “Arming Science Clubbers with Healthful Defenses Towards National Wellness”.
Nagsarita met ni SBM Dr. Jemaima S. Tan-Yee, Committee Chair on Education ket impeksana ti ragsakna iti kinaregta dagiti mangisursuro a mangtartarabay kadagiti ubbing iti aniaman a tay-ak ti pagsiriban iti benneg ti Edukasion.
Kalpasan ti Intermission Numbers, Investiture of Runners up, Pinning of sashes and corsages by parents to be assisted by advisers, naaramid ti Tribute manipud ti Grde IV to VI ken Presentation of ROYSC & YES O Officers babaen ken ni Mrs. Evangeline U. Seatriz, ROSCA President, Ilocos Sur Division Chapter.
Pinagsapata ni Mrs. Estrellita M. Siruno, Principal II, CNCS dagiti Opisiales ti ROYSC.
Kalpasan ti Tribute manipud Kindergarten to Grade III, sinerraan ni Mrs. Estrellita M. Siruno, Principal II ti Programa ken naaramid ti Recessional March.
Nasangaili met dagiti dadduma a Municipal Officials, PTA Officers, Parent-Guardians ken dadduma pay a Bisita iti daytoy a panagtitipon. # (Web In-Action)
No comments:
Post a Comment