Cabugao, Ilocos Sur – Indauluan ni Mayor Edgardo “Ediboy” S. Cobangbang, Jr. dagiti Municipal Officials ken dagiti Municipal Health Officers/Personnel a nangimatang iti pannakaisangpet/pannakaidalimanek dagiti Medical Equipments/Apparatus nga inted ti Department of Health (DOH), Regional Office 1 babaen iti panangidaulo ni DOH Regional Director Myrna C. Cabotaje, MD, MPH, CESO III para iti serbisio-medikal ti Municipal Health Office-Rural Health Unit, Cabugao, Ilocos Sur idi Nobiembre 10, 2014 iti sango ti RHU Building.
Nadagup iti 28 Units a klase ti mausar para iti pannakaiyagpang iti serbisio-medikal ditoy nga ili.
Kabayatanna, indauluan pay ni Mayor Ediboy dagiti kakaduana nga Opisiales Lokal a nagbisita kadagiti benneg ti pasdek ti RHU kas iti Immunization Room ken Dental kabayatan a maipapaayan ti serbisio medikal dagiti umili nga immay nagpaagas.
Nakikaysa met da SBM Atty. Bryann Jett S. Pano, Committee Chair on Health, SBM Danny Q. Gazmen, SBM Dr. Jemaima S. Tan-Yee, SBM Benedict M. Savellano, SBM Josefina S. Vallejo, Dr. Bernardino M. De Gracia, Municipal Health Officer ti Cabugao ken ni Mrs. Janet Sison, Public Health Nurse. # (Web In-Action)
No comments:
Post a Comment