Cabugao, Ilocos Sur – Segun ken ni Engr. Nestor B. Somera, MDRRMC Officer ti LGU-Cabugao a patinayonen a makikoordinar/makitinnulong/makigamulo dagiti kameng ken nagsanay iti WASAR (Water Search and Rescue) Training a miembros ti MDRRMC-LGU Cabugao nga inangay ti PDRRMC-Ilocos Sur iti kallabes kadagiti maang-angay a dadakkel nga aktibidades/pagteng a kas iti sumaganad:
1.Nakipagtamingda iti naannayas a pannakaaywan ti urnos ken talna ti sapasap idi Nobiembre 1-2, 2014 (All Saint’s/Souls Day) babaen iti pakaseknan ti Medical ken First Aid, pannakaipan dagiti Tarpaulin a mangpalagip kadagiti umili iti ruangan ti Municipal Cemetery.
2.Nakipagplanoda iti Management iti pakaseknan ti Medical and First Aid kadagiti agay-ayam nga Atleta iti naangay a Unit 1 Athletic Sports Competition idi Nobiembre 5-7, 2014 idiay Cabugao District Athletic Oval.
3.Nakipagtamingda iti pangseguridad a kasasaad dagiti ubbing a Boy Scouts/Kab Scouts iti naangay a BSP District Camporal idiay Barangay Salapasap, Cabugao, Ilocos Sur idi Nobiembre 14-16, 2014.
4.Makinamingda manen iti pagsaysayaatan dagiti Atleta iti maangay a PRISAA Meet iti Cabugao Institute, Inc. iti Nobiembre 20-21, 2014 a pakipartisiparan dagiti Atleta iti Pribado a pageskuelaan dagiti Munisipalidad ti Probinsia ti Ilocos Sur.
5.Timmulongda a nag-rescue kadagiti nakalugan iti naaksidente a maysa a trailer truck gapu iti aksidente a panangdungparna iti poste ti PLDT ken ti kongkreto nga alad iti igid ti National Highway sadiay Barangay Bonifacio, Cabugao, Ilocos Sur idi malem ti Nobiembre 3, 2014. # (Web In-Action)
No comments:
Post a Comment