Friday, November 14, 2014

WATERWORKS: AGTULTULOY TI ITEDDA A SERBISIO

Cabugao, Ilocos Sur – Iti pannakiuman ti Web In-Action itay nabiit, imbatad ni Waterworks Superintendent Engr. Nestor B. Somera nga agtultuloy latta ti ipaayda a serbisio kadagiti umili nga end-users iti danum a mainum nga aggapu iti Magarang Water  Springs,  Brgy. Cacadiran, Cabugao, Ilocos Sur ken iti Roma-Kinalian Sources iti Brgy. Maradodon ken Brgy. Catucdaan kas panagsaganadda.

Iti agdama, awan pay laeng iti water rationing ta adda  pay la umdas a suplay  ti  danum. Kabayatanna,  adda met latta dagiti connection line ti tubo a tarimaanenda gapu iti panagrukop wenno dadduma pay a pakaigapuan ti panagproblema  iti main line iti distribution line. Ngem maaksionan daras ken madagdagus a matarimaan dagitoy.

Innayon pay ni Engr. Somera nga ikagkagumaananda nga aksionan dagiti awag dagiti water-users uray aldaw ti Sabado ken Domingo agsipud ta inaldaw a nakasapulan ti danum iti panagbiag dagiti umili.

Insupusop pay ti Waterworks Superintendent  a madagdagus a mataming/masolbar  ti pakaseknan dagiti water consumers agsipud ta kankanayon latta met ti panagrekurida/monitor  dagiti Collectors, Pifefitters ken Personnel a masakupan ti Cabugao Waterworks System.

Insupusop pay ni Engr. Somera a saan a maliklikan dagiti pagteng  no agkiddit ti danum  maigapu iti Climate Change ken kaadu ita ti bubon a pagpakunotan dagiti mannalon tapno masustener ti kasapulan dagiti naimulada.  # (Web In-Action)

No comments:

Post a Comment