Cabugao, Ilocos Sur – Napagtalinaed ti Cabugao Delegation Team ti Umuna a Puesto iti kinasalisalna a tallo nga ili iti naangay a 2014 Unit 1 Athletic Sports Competition sadiay Cabugao District Athletic Oval, Cabugao South Central School, Brgy. Bonifacio, Cabugao, Ilocos Sur idi Nobiembre 5-7, 2014.
Maikadua a puesto ti nagun-od ti ili San Juan; maikatlo ti Sinait ken maikapat iti ili ti Magsingal.
 |
| CLICK HERE TO VIEW MORE PHOTOS |
Napagsasalipan dagiti sports events kas iti Badminton, Football, Baseball, Chess, Sipa Takraw, Table Tennis, Volleyball, Softball, Lawn Tennis, Athletics, Taekwondo, Gymnastics ken Basketball.
Iti pannakiuman ti Web In-Action idi Nobiembre 7, 2014, impeksa ni Mr. Ronel M. Ubaldo, District PESS Coordinator ti DepED Cabugao iti nalaus a panagyamanda kadagiti atleta, mangisursuro, nagannak ken kadagiti Opisiales Lokal ti ili ti Cabugao nga idauluan ni Mayor Edgardo “Ediboy” S. Cobangbang, Jr. a nakipagtarabay iti salip ti sports, kadakkelan a pay-ayam iti benneg ti Edukasion iti Umuna a Distrito ti Probinsia ti Ilocos Sur ita a Tawen 2014.
Iti Closing Program, indauluan ni Mayor Ediboy dagiti Municipal Officials a nangiyawat ti Tropeo kadagiti nangabak ken nairakurak dagiti napili nga atleta ken coaches a makilaok iti sumaruno a maangay a Provincial Sports Competition iti umay a bulan ti Disiembre 2014. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment