Cabugao, Ilocos Sur – Segun ken ni MDRRMC Officer Engr. Nestor B. Somera ti LGU-Cabugao nga agtultuloy ti itden ti Municipal Disaster Risk Reduction Management Council (MDRRMC) a serbisio iti sapasap uray awan ti dumteng a natural a kalamidad babaen iti pannakaaramat ti communication network dagiti kamengna iti Incident Command System (ICS) a grupoda a mangaksion iti tumaud nga emerhensia kadagiti aktibidad a maaramid iti ili kas iti pannakaangay ita ti 2014 Unit Athletic Meet a nakasangailian ti delegado ti uppat nga ili: Sinait, Magsingal, San Juan ken Cabugao iti Nobiembre 5-7, 2014 ken nangnangruna manen no mapasamakto ti 2014 Provincial Sports Competition ditoy Cabugao iti masungad a bulan ti Disiembre 2014.
Innayon ni Engr. Somera a dagiti pannakausar ti Hand-held radios a ramit ti MDRRMC kadagiti kameng ket epektibo iti koordinasion kadagiti amin a Departamento a maseknan a nakasalinong iti MDRRMC ket maaksionan a madagdagus dagiti pagkasapulan. # (Web In-Action)
No comments:
Post a Comment