Cabugao, Ilocos Sur – Agtultuloy a maigannuat ti panagdaldalus babaen ti panangiyusuat dagiti pannakabagi ti Clean and Green Program ti Munisipio nangruna ita ta kalleppas ti dadakkel a selebrasion a kas iti All Saint’s Day ken iti mapaspasungadan a yaadani ti Paskua 2014 a panagsangpet dagiti Bakasionista, Balikbayan ken Turista ditoy ili a Cabugao, Ilocos Sur.
Segun ken ni MENRO Edgar S. Balangatan, AT, kaduana da Mr. Richard Pula ken ni Mr. Donnell Peralta a mangtartarawidwid kadagiti LGU Personnel nga agtitinnulong nga agdalus/mang-landscape iti Athletic Ground kasta metten kadagiti pampubliko a disso kas iti Parke, Plaza, Government Center ken ti National/Provincial Highway tapno agtultuloy a napintas ti mabuybuya iti aldaw wenno rabii.
Kanaig daytoy, kinuna ni Mr. Balangatan nga uray naisapribado ti pannakaidalimanek ti basura ket agtultuloy latta nga agaksionda babaen iti monitoring ken evaluation a pakairamanan kadagiti service barangay ti LGA Tech., Inc. tapno mapasayaat ti panagkammayetda iti pannakaidalimanek ti basura a pabor para iti pagsayaatan dagiti umili.
Manamnama nga iti napintas a kooperasion dagiti pannakabagi ti LGU-Cabugao a mangipatungpal kadaytoy ket naballigi latta ti pagbanagan dagiti trabaho ken programa a mailunsad iti salinong ti Gobierno Lokal ti ili a Cabugao. # (Web In-Action)
No comments:
Post a Comment