Thursday, November 13, 2014

AGTULTULOY TI SERBISIO ITI LYING-IN CLINIC

Cabugao, Ilocos Sur – Iti pannaki-amad ti Web In-Action kadagiti Attending Nurses/Midwives itay nabiit iti nasao a paganakan, awan ti nagbalbaliwan ti pagannurotan ti nasao a pasilidad ket agtultuloy a tamingenda dagiti  masikog ken aganak ditoy.

Innayon dagiti Midwives a makita ti amin a datos maipapan iti masikog ken ti ubing iti Early Childhood Care and Development Card ket dagiti sumaganad iti proseso a maaramid ditoy a paganakan:

1. Amirisenda ti agdisnudo a mapan aganak iti lying-in no kualipikado/kabalinanna met laeng ti aganak ditoy.

2. No makategoria a  risky ket mai-refer iti Doktor ti kasasaad ti maseknan.

3. No OK, aganak ditoy ket tarabayen dagiti Lying-in Personnel iti 24 oras.

4. Follow-up Check up kalpasan ti makalawas iti panagpasngay.

Innayonda pay a maipasagepsep ti kaipapanan ti “An Early Childhood Screening Tool ken Feeding Recommendations for a Healthy Child iti maseknan nga ina.

Itugotda ti nasao a Card kadarato a mapanda iti Rural Health Unit (RHU) a katinnulong ti Lying-in a mangpasayaat ti kasasaadda a kaan-anak.

Dagiti maar-aramid iti Cabugao Lying-in Center ket iti Maternal and Child Care Services a sakupenna iti Pre-Natal Care, Normal Birth, Newborn Care, Post-partum Care ken ti Family Planning Services.  # (Web In-Action)

No comments:

Post a Comment