Cabugao, Ilocos Sur – Naangay ti 2014 District Elementary Science Quest babaen iti Tema: “Immunation: Nature’s Arming Science Clubbers with Healthful Defenses Towards National Wellness” iti Nobiembre 12, 2014 iti Cabugao Cultural and Sports Complex, Brgy. Rizal, Cabugao, Ilocos Sur.
Sakbay a naaramid dagiti contested activities, naangay ti ababa a programa iti nasao a pagadalan a nagatendaran dagiti Science Teachers ken Clubbers nga ub-ubbing iti intero a 26 a pagadalan ti Cabugao DepED District.
Nag-Welcome Talk ni Mrs. Estrellita M. Siruno, Principal II, CNCS ket nagyaman ta maipatungpal daytoy nga aktibidad ditoy pageskuelaanda ken masurnadan dagiti aktibidad a mangipaay ti sirib iti pakaseknan ti siensia kadagiti ubbing ken iti aglawlaw.
Kalpasan ti Intermission Number ti CNCS ROYSC, naipresentar dagiti Opisiales ti ROYSC ken ROSCA ket pinagsapata ida ni Mrs. Estrellita M. Siruno, Principal II.
Naisaganad ti panangipaay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman ni Mayor Ediboy ta adda dagiti ubbing nga agduyos iti siensia. Pinadayawanna ti kinaregta dagiti mangisursuro, nagannak ken Guardian a mangtartarabay kadagitoy tumantanor ti siribna iti Siensia nga ub-ubbing. Innayon ti Alkalde Munisipal a napateg daytoy a pagsiriban a maipasagepsep iti naganus a panunotda ta iti siensia ket maysa a napateg a ramen ti panagbiag ti tao ken iti kagimongan a paggargarawanda. Kuna ti Ama ti Ili a makikaysa isuna ken ti Gobierno Munisipal iti Sektor-Edukasion iti agtultuloy a gannuat a mangipromot ti pannakapadur-as ti kabaelan ken pagduyosan dagiti ubbing babaen iti Siensia kas ipaganetget ti Tema: “Arming Science Clubbers with Healthful Defenses Towards National Wellness”.
Kalpasan ti Intermission Number ti District ROSCA Officers, nangited ti Orientation ni Mrs. Evangeline U. Seatriz, District Science Coordinator.
Simmaruno ti Contest Proper iti walo a naisagana a mapagsasalipan. # (Web In-Action)
No comments:
Post a Comment