Cabugao, Ilocos Sur - Segun ken ni Engr. Sofronio “Ronie” P. Jimenea, Trainor/Assessor-TESDA Region 1 a maang-angay ti panagsanay ti Refrigeration and Air Conditioning ken Plumbing NC II iti 20 nga aldaw ket addadan iti aktual a parte ti panagadalda. Maang-angay ita ti panagsanay ti Refrigeration and Air Conditioning and Plumbing iti Compound ti LGU Motorpool, Brgy. Baclig, Cabugao, Ilocos Sur a nangrugi idi Oktubre 27, 2014.
Daytoy a rusuat ket ipatungpal ti LGU-Cabugao ken ti Technical Education and Skills Development Authority (TESDA)-Region 1 ditoy Cabugao kadagiti indibidual nga agduyos a mangpadur-as ti kabaelanda kadagitoy a teknikal a maiyadal a kasapulan ti lokalidad iti agdama. # (Web In-Action)
No comments:
Post a Comment