Cabugao, Ilocos Sur - Segun ken ni Mr. Silverio Baptista, Trainor, TESDA-Vigan City nga addadan iti maika-15 aldaw a panagadal ti teoria ken aktual a parte ti panagadalda. Maang-angay ita ti panagsanay ti Refrigeration and Air Conditioning and Plumbing iti Compound ti LGU Motorpool, Brgy. Baclig, Cabugao, Ilocos Sur a nangrugi idi Oktubre 27, 2014.
Kabayatanna, bimmisita ni Mr. Arnel Gallardo, Focal Person, TESDA-Region 1 iti Nobiembre 13, 2014 iti pagsansanayan dagiti Trainees tapno maala ti datos manipud kadagiti sangapulo a naeskolar iti nadakamat nga Skills Training para iti kasapulanda a rekord.
Daytoy a rusuat ket ipatungpal ti LGU-Cabugao ken ti Technical Education and Skills Development Authority (TESDA)-Region 1 ditoy Cabugao kadagiti indibidual nga agduyos a mangpadur-as ti kabaelanda kadagitoy a teknikal a maiyadal a kasapulan ti lokalidad iti agdama. # (Web In-Action)
No comments:
Post a Comment