LGU MINI-OLYMPICS, MAPADPADAANAN!

Cabugao, Ilocos Sur –Kinatibker ti panagkakammayet dagiti empleado ti LGU ken dagiti Opisiales-Lokal ti ili a Cabugao, Ilocos Sur  ti kaipapanan ti nainaw ken maipatungpal  a  Mini-Olympics dagitoy ket mapagsasalipan dagiti kangrunaan a maay-ayam a kas iti Basketball, Volleyball, Badminton ken kaarngina nga event inton malem ti Nobiembre 14, 2014 iti Cabugao District Athletic Oval a masarakan idiay Cabugao South Central School, Brgy. Bonifacio, Cabugao, Ilocos Sur.

Buklen dagiti umaayam: Yellow Team, Blue Team, Mocha Team ken ti White Team a ditoy ket nabukel dagiti kameng   babaen iti panagbunot dagiti Empleado iti nadumaduma a Departamento ti LGU agraman ti PNP, BFP, NTA ken dagiti Opisiales Lokal iti pakairamananda a Team.

Ita pay, naregta ken naiget ti panagsanay dagiti mangbukbukel iti kada Team ket tunggal maysa ket kalikagumanna ti mangabak ken manggun-od kadagiti nakalatang a premio iti nasao a salisal kas ipasimudaag ti panggep ti kada Team.

Daytoy a Direktiba ket namunganay iti kalikagum ti Ama ti ili a pannakaadda dagiti empleado ken Opisiales iti sangsangkamaysa a panagtitipon  kadayta a naituding a petsa a masasao  a “Family Day ti LGU-Cabugao”. # (Web In-Action)