Cabugao, Ilocos Sur – Kangrunaan manen a gay-at ti Department of Agriculture (DA)-Regional Field Office 1, San Fernando City, La Union ken ti LGU-Cabugao babaen iti panangipatungpal ti DA-LGU ti pannakailunsad ti Farmer’s Field School (FFS) Corn Category kadagiti mannalon a masakupan ti Brgy. Nagsantaan ken ti Brgy. Arnap.
Impakaammo ni Mr. Nereo S. Daproza, Municipal Rice Program Coordinator ken Corn Production Trainer a kadaytoy Main Crop 2014-2015 ket maipangruna a mapatan-ay ti panagmula ti hybrid a mais kalaksidan dagiti agmula met iti Tabako, Nateng ken dadduma pay a Cash Crops.
Innayon ni Mr. Daproza a maaramid ti FFS Corn kadagiti mannalon iti mapagtutulagan nga eskediul ket dagiti sumaganad ti Topiko a mawarwar a maiyadal kadakuada: Ecosystem-wise; Targeting Zero Chemical Use; Establish Equilibrium Level of Insect Pests and Natural Enemies.
Insupusop ti Rice Program Coordinator a babaen kadagitoy a maiwayat nga wagas/estratehia ket agresulta iti nangato a produksion, bassit a magastos ken natalged nga aglawlaw dagiti mannalon. # (Web In-Action)
No comments:
Post a Comment