Thursday, March 6, 2014

3RD BATCH TRAINING TI BRGY. OFFICIALS, MAANG-ANGAY

Cabugao, Ilocos Sur – Naangay ti umuna iti tallo nga aldaw (Marso 5-7, 2014)  a Training-Seminar a napauluan: “Barangay Newly Elected Officials (BNEO) Program - Laying the Foundation for Grassroots, Renewal, Empowerment for Accountable and Transparent (GREAT) Barangays.” iti St. Mark the Evangelist  Parish  Hall, Cabugao Catholic Church, Cabugao, Ilocos Sur a nangrugi idi Marso 5, 2014.

Buklen dagiti maikatlo  a Batch ti agseminar dagiti Brgy. Officials iti  Barangay Maradodon, Lipit, Marga-ay, Bungro, Rizal, Bonifacio, Namruangan, Turod, Salapasap, Salomague ken Nagsantaan. 

Nangipaay ti panglukat a panagsarita ni Ms. Constancia L. Quinola,  MLGO Officer  ti ili a Cabugao  ket imbinsana dagiti panggep ken maaramid iti tallo nga aldaw a panagsanay.

Iti umuna ng aldaw ti panagsanay, kangrunaan a nayadal ti pakabuklan ti Kodigo Lokal, Barangay Structure. Duties  and Responsibilities of the  Barangay  Officials, Benefits of Barangay Officials,  panangtarawidwid ti Gobierno ti Barangay babaen kadagiti Punong Barangay, pagrebbengan ken aramiden dagiti Barangay Secretaries.

Kalpasan iti pannakasanay ti umuna ken maikadua a Batches, sumaruno ti maikatlo a Batch a buklen met laeng ti maudi nga 11 a barangay a pakabuklan amin  ti 33 a barangay ti ili a Cabugao, Ilocos Sur.

Babaen iti daytoy a maaramid  a  panagsanay ket manamnama a makapagserbida  dagiti baro nga opisiales ken nabutosan manen a Punong Barangay, Barangay Kagawad, Barangay Secretary ken Barangay Treasurer kadagiti 33 a Barangay iti intero a Munisipalidad ti Cabugao nga epektibo ken napudno kadagiti pagrebbenganda. # (Web In-Action)

No comments:

Post a Comment