Saturday, March 1, 2014

VICE MAYOR DJ, VP TI NMYL-NORTHERN LUZON

Cabugao, Ilocos Sur – Naelektaran ni Cabugao Vice Mayor Deogracias Jose Victorino “DJ” H. Savellano a Vice President-Northern Luzon  iti National Movement of Young Legislators (NMYL) iti naangay a 20th National Congress & Election of National Executive Council idi Pebrero 20-21, 2014 idiay Waterfront Hotel, Lahug, Cebu City.

Iti Day 1, nagpaay a Keynote Speaker ni DILG Secretary Mar A. Roxas ken Inspirational Speakers da Senator Juan Edgardo M. Angara ken ni Senator Paolo Benigno Aquino IV.
Ti National Movement of Young Legislators (NMYL)  ket gunglo dagiti Vice Governors, Vice Mayors, Provincial Board Members, City/Municipal Councilors agraman  dagiti Liga ng mga Barangay Federation Presidents ken ti NMYL ket adda iti salinong ti Department of the Interior and  Local Government (DILG).

Kadua ni Vice Mayor DJ da SB Member Benedicto M. Savellano,  SBM Dr. Jemaima S. Tan-Yee, ken ni SBM Jayhan Alcid-Tan  ti LGU-Cabugao a nagatendar iti nasao a Congress ken Eleksion. 

Ni Vice Mayor DJ Savellano ket anak ni Vice Governor Deogracias Victor B. Savellano ti Probinsia ti Ilocos Sur ken agpadpadada  a patanor iti ili a  Cabugao, Ilocos Sur. # (Web In-Action)

No comments:

Post a Comment