Tuesday, March 11, 2014

STRENGTHENING PROGRAM TI 4 H-CLUB, AGTULTULOY

Cabugao, Ilocos Sur – Maar-aramid ita ti pannakapatibker dagiti Asosasion ti 4-H Club iti intero a Munisipalidad ti Cabugao, Ilocos Sur babaen iti panangibagnos ni Mr. Obas Bill Y. Baclig, AT, Municipal 4-H Club Coordinator.

Segun ken ni Mr. Baclig, tunggal Sabado ken Domingo a pannakasango dagiti agtutubo ket nangrugi idi bulan ti Pebrero 2014 a rinugianda a miniting dagiti Opisiales ti  Asosasion ti 4-H Club ket trinatarda dagiti agduduma a pakaseknanda kasta met a rine-organisarda dagiti saanen nga aktibo nga asosasion.

Innayon ni Mr. Baclig nga iti agdama, adda 15 nga aktibo nga asosasion ti agtutubo a masarakan iti Brgy. Bato, Reppa-ac, Pug-os, Bungro, Cael-layan, Baclig, Turod, Namruangan,
Dardarat, Salomague, Bonifacio, Cuancabal, Arnap, Nagsincaoan ken Cacadiran.

Dagiti kabarbaro a naorganisar ti 4 H-Clubna ket dagiti Barangay ti Nagsantaan, Sabang, Carusipan ken Daclapan.
Insupusop ni Mr. Baclig nga adda Tema a pagbasbasaran dagiti aktibidadesda kas iti: “Youth Empowerment for Food Sufficiency and Sustainability”.

Dagiti aktibidades a mangibagnos kadagiti 4-H Club ket dagiti sumaganad:

1.Rice Production Technology.
2.Banana Processing and Preservation.
3.Handicraft Contest.
4.On the Spot Canvass Painting Contest.
5.Extemporaneous Speaking Contest.
6.OPM Local Solo Contest.
7.Quiz Bee.

Agdama pay a maipatpatungpal ti Cattle Fattening ti 15 nga Asosasion babaen iti agtultuloy a panangtulong ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti livelihood program dagiti Out-of-School Youth  tapno  mabirokanda  iti kaimudinganda a napintas a masakbayan. # (Web In-Action)

No comments:

Post a Comment