Monday, March 3, 2014

RAMIT TI BFP-CABUGAO, NINAYONAN TI LGU CABUGAO

Cabugao, Ilocos Sur – Naipaayan ti dua a Ramit-Komunikasion ( Two-way Handheld Radio, 2 Units) dagiti Staff ti Bureau of Fire Safety (BFP)-LGU Cabugao babaen ti panangidaulo ni Fire Marshal  Elmer Acapuyan iti Marso 3, 2014. 


Naited dagiti nasao a ramit babaen iti panangiyallawat ni Mayor Edgardo “Ediboy” S. Cobangbang, Jr. iti mismo nga Opisinana kadagiti BFP Staff nga inimatangan da Ms.  Constancia “Connie” L. Quinola, LGOO V  ti DILG-MLGOO Cabugao, Vice Mayor Deogracias Jose Victorino “DJ” H. Savellano; SBM Dr. Jemaima S. Tan Yee; SBM Vicky S. Serna; SBM Jayhan Alcid-Tan; ken ni SBM Josefina S. Vallejo.

Iti pannakiuman ti Web In-Action iti dayta a petsa, impeksa ni Fire Marshal Elmer Acapuyan iti nalaus unay a panagyamanda ken dagiti kakaduana  iti BFP ta inikkan ida ni Mayor Ediboy iti nayon nga usarenda iti panangipatungpalda iti trabahoda iti opisinada.

Sakbayna, kalpasan ti Flag Raising Ceremony ket pinadayawan ti Ama ti Ili dagiti mangtartarawidwid ti BFP-Cabugao iti reggetda a mangipatungpal iti trabahoda. Nagsarita met ni Fire Marshal Elmer Acapuyan ket imbinsana ti pakabuklan ti programa ti Opisinada iti pakaseknan ti 48th Fire Prevention Month ita a bulan ti Marso 2014 nga addaan ti Tema: “Isulong ang Kaunlaran, Sunog ay Iwasan Kaalaman at Pag-iingat ay Kailangan.” # (Web In-Action)

No comments:

Post a Comment