Monday, March 17, 2014

SPORTS, PUMINTAS TI MASAKBAYANNA DITOY CABUGAO

Cabugao, Ilocos Sur – Maitultuloy ti pannakatrabaho ti Cabugao Athletic Ground a masarakan iti  compound ti Cabugao South Central School, Brgy. Bonifacio, Cabugao, Ilocos Sur ket kangrunaanen a naaramid iti Track and Oval, segun ken ni Municipal Engineer Crescencio C. Formoso ti LGU-Cabugao.

Iti naangay a 2014 1st Local Development Council Meeting itay nabiit, nadakamat ken imbatad ni Mayor Edgardo “Ediboy”  S. Cobangbang, Jr.  iti plano ti Gobierno Munisipal a mapagbalin nga “Sports Center”  daytoy a disso ti pasilidad ti Sports agsipud ta manamnana a maikkan pay kadagiti mainayon nga sports facilities a kasapulan tapno maangay ti maysa nga sports event ditoy.

Innayon met ni Mr. Ronel M. Ubaldo, Sports Coordinator ti DepEd Cabugao nga addanton manamnama a pagsanayan dagiti Atleta tapno maisaganada a nalaing/maperpektoda   dagiti paglainganda kadagiti pakaisalipanda nga sports events nga ang-angayen ti DepEd.

Ita pay, pagyamyamanan ni Mr. Ubaldo agraman dagiti Atleta nga ubbing ken agtutubo iti Gobierno Munisipal nga idauluan ni Mayor Ediboy ta maes-establisaren  dagiti kasapulan a  pasilidad a mangtubay iti laing dagiti Atleta iti Cabugao para iti masakbayan. # (Web In-Action)

No comments:

Post a Comment