Monday, March 10, 2014

CORONATION CEREMONIES TI SALOMAGUE ES, NABALLIGI

Cabugao, Ilocos Sur – Naangay ti Coronation Ceremonies ti School-PTA Popularity Contest ti Salomague Elementary School iti  nasao a pageskuelaan idi rabii ti Marso 7, 2014 iti School Auditorium iti nasao a pagadalan.

Iti nasao a seremonia, immuna a naangay ti Prayer iti panangidaulo ni Mrs. Andrea C. Antonio, PTA Treasurer;  simmaganad ti Welcome Talk ni Mr. Remigio S. Serrano, PTA President; Entrance of the Outgoing King and Queen 2012-2013, King Mariel 1st ken Queen Aliyah Angel 1st .

Naisaganad ti Entrance of the Royal Court and their Entourage. Naaramid ti Tribute ti Grade 1 & II Pupils sakbay a naipan ti Sashes babaen kadagiti nagannak. Kalpasan ti pannakaipan ti Capa ti Ari ken Reyna 2014, kinoronaan ni SB Member Danilo Q. Gazmen ken ti Balikbayan a Partnerna ni His Royal Highness, King Janlloyd B. Baclig ken ni met laeng SB Member Danny Q. Gazmen kasta met ni Mrs. Helen V. Siruno, District Supervisor iti nangipan ti Korona ni Her Majesty Queen Jozhell S. Abutan.

Kalpasan ti Tribute ti Grade III ken 1V Pupils, naisaad dagiti Coronets dagiti innem a Prince ken Princesses nga idauluan da King Janlloyd 1st ken Queen Jozhelle 1st. 

Naited dagiti Trophies kadagiti Ari ken Reyna agraman dagiti innem a paris a Prinsipe ken Prinsesa babaen kadagiti Donors. Nangipaay ti Mensahe ni Mrs. Helen V. Siruno, District Supervisor ket dinakamatna ti sakripisio dagiti nagannak a tumultulong a mangpasayaat ti eskuela babaen iti panagpakandidata. Dinayawna ti napintas panagkammayet ti Eskuela, PTA ken iti Barangay iti pannakairusat ti Popularity Contest a maysa a pamataudan iti panangpasayaat iti eskuela.

Kalpasan ti Giving of Bouquet and Delivery of Lei to the Candidates, nangted ti Inspirational Talk ni Brgy. Captain Eliseo R. Serrano. Nagyaman ken kimmablaaw ti Punong Barangay. Pinagyamananna ta napintas ti tunos dagiti kabarangayanna a mangipaay ti panawenda para iti pagsayaatan ti pageskuelaan ti Brgy. Salomague. Binigbigna met ti agtultuloy a tulong ti DepEd ken LGU iti pannakapapintas ti pagadalanda.

Naaramid met ti Tribute ti Grade V ken Grade V1 Pupils. Simmaganad ti Turn Over of Scepter dagiti Outgoing ken agdama a  King kasta met iti Queen. Nag-Closing Remarks ni Mr. Ronel M. Ubaldo, Head Teacher III, ti Salomague ES.

Nagpaay nga Emcee da Mr. Ronald Castaneda, Mrs. Imelda Quinsaat ken ni Ms. Judelyn Toloza. # (Web In-Action)

No comments:

Post a Comment