Monday, March 3, 2014

ADDA LATTA NANGABAKAN TI CABUGAO ITI RIAA 2014

Cabugao, Ilocos Sur – Segun ken ni Mr. Ronel M. Ubaldo, Head Teacher III ken Sports Coordinator iti Cabugao DepED District nga adda latta met nagun-od dagiti umaayam a Taga-Cabugao, Ilocos Sur  iti naangay a pakontes  iti  “Region 1 Athletic Association wenno RIAA 2014”  a nagsasalipan iti 14 a Division Offices ti DepED kadagiti Probinsia iti Rehion Uno  a naangay idiay Agoo, La Union idi Pebrero 24-28, 2014.

Dagiti sumaganad nga Atleta ti  nakagun-od ti pammadayaw nangruna iti Taekwondo: Althea May Tuguinay – Silver; Kaye Joan Valledor – Bronze; Aleya Alexis Sandi – Bronze; Ysaganee Savella – Pomsae. Nakaala met ti puesto ni Jhayvee Manuel ti Reppa-ac Elementary School, Cabugao, Ilocos Sur iti pakontes ti National Science ket nagpaay a Coach-na ni Ms. Agnes Yacap.

Innayon ni Mr.  Ubaldo a saan a paudi dagiti umaayam iti ili a Cabugao, Ilocos Sur iti nadumaduma a tay-ak ti Sports a maang-angay. # (Web In-Action) 

No comments:

Post a Comment