Monday, March 10, 2014

CORONATION RITES TI CABUGAO SOUTH CENTRAL SCHOOL, NAANGAY

Cabugao, Ilocos Sur – Naangay ti 2014 Cabugao South Central School Coronation Rites ti Cabugao South Central School nga addaan ti Tema: “CSCS: Sustaining Stronger Alliances for Growth and Progress”  idi rabii ti Marso 7, 2014 iti School Auditorium iti nasao a pagadalan.
 

Sakbayna, naangay ti Parade Around the Town iti bigat iti dayta a petsa babaen kadagiti agbasbasa iti nasao a pageskuelaan.

Iti seremonia ti Koronasion, immuna a naangay ti Doxology; sa Pambansang Awit; simmaganad ti Welcome Talk ni Mr. Percival  Somera, CSCS PTA President; ken Entrance of the Royal Court, His Royal Highness King Enoch Gil Seguritan 1st  ken Her Majesty Queen Hyacinth Ranada 1st.
 

Naisaganad ti Investiture ti Mr. & Miss CSCS 2014. Kinoronaan da  SB Member Danilo Q. Gazmen ken ni Mrs. Helen V. Siruno, District Supervisor ti Ari ken Reyna.

Nangipaay ti Mensahe ni Mrs. Helen V. Siruno, District Supervisor ket dinakamatna ti ayat dagiti nagannak a tumultulong a mangpasayaat ti eskuela babaen iti panagpakandidatada. Dinayawna ti napintas a panagtunos  ti Eskuela, PTA ken iti Barangay iti pannakairusat ti Popularity Contest a maysa a pamataudan iti panangpasayaat iti eskuela. Innayon pay ti District Supervisor a daytoy nga aktibidad ket manayonan met ti adal dagiti ubbing ta maipakitada ti talentoda babaen iti pannakipasetda ti programa.
 

Naiyaspili dagiti Sashes ti 13 a Paris ti Prinsipe ken Prinsesa nga idauluan ti Ari ken Reyna babaen kadagiti nagannakda.
Simmaruno ti pannakaipan dagiti Coronets dagiti umuna nga innem nga  agparis a Prinsipe ken Prinsesa babaen kadagiti napusgan a mangorona nga Opisiales ken Indibidual ken dagiti Partner-da.

Naited pay dagiti Trophies dagiti 6-Pairs Prince and Princesses. Kalpasan dagiti Tribute nga impaay manipud iti Kindergarten Pupils agingga iti Grade V1 Pupils, naaramid ti Recessional.
 

Nasangaili pay dagiti nagduduma a Balikbayans a lumugar ken nagadal iti South Central School a naggapu iti nadumaduma a pagilian.

Nagatendar met iti Coronation Rites da Brgy. Captain Valentin S. Tuyor, Jr. ti Brgy. Bonifacio; Brgy. Captain Edgar Celestino G. Sonido ti Brgy. Turod Patac;  Brgy. Captain Rolando S. Savellano ti  Brgy. Cuancabal;   Kagawad Remedios S. Cruz ti Brgy. Bonifacio;  Brgy. Captain Modesto P. Ronque ti Brgy. Aragan; Brgy. Captain Robertson R. Gorospe ti Brgy. Namruangan; Brgy. Captain Heidi Margarita Zabala ti Brgy. Cael-layan ken ni  Mrs. Julia B. Cayso, Head Teacher,  Cuantacla Elementary School.
 

Nakikaysa pay dagiti Balikbayans nga isuda  Mr. & Mrs. Antonio Pecho, dati a Teacher ti Cabugao District; Mr. & Mrs. Rogelio Sonico; Mr. & Mrs. Tony Overhau; Miss Charisma Concepcion ken Mrs. Catalina Pula.

Binagi ni Mrs. Melvie S. Sajonia, Principal II, ti CSCS iti Closing Remarks. Pinagyamananna iti panagatendar dagiti amin a nakipaset iti nasao a seremonia ken iti panagballigi daytoy nga aktibidad iti eskuelada.

Nagpaay nga Emcee da Mrs. Odette Somera; Mr. Rommel Santella, Mrs. Emee B. Frando ken ni Mr. Nestor Cobangbang, Jr. # (Web In-Action)

No comments:

Post a Comment