Thursday, March 6, 2014

NAGTURPOS A MANNALON ITI FFS, IMMAWATDA ITI SERTIPIKO

Cabugao, Ilocos Sur – Naangay ti panagturpos dagiti 40 a mannalon (Farmer Cooperators) iti proyekto a napauluan: “Yield Performance of Green Corn Production Using Unified Basal cum Different Timings and Techniques of Side-Dress Fertilization and a Farmer Practice” a nagkammayyetan ti DA-RFO 1, San Fernando City, La Union nga idauluan ni Dr. Valentino C. Perdido, Ph. D., DA Regional Executive Director, Mr. Teofilo  R. Quintal, Provincial Agriculturist, DA-OPAG Ilocos Sur ken iti LGU Cabugao nga idauluan ni Mayor Edgardo “Ediboy” S. Cobangbang, Jr. ken impatungpal dagiti Mannalon ken dagiti  DA-LGU Staff.


Naangay ti Field Day & Graduation iti malem ti Marso 5, 2014 iti Rang-ay Building, Brgy. Reppa-ac, Cabugao, Ilocos Sur. Iti umuna a paset ti programa ket  naipakita ti resulta ti panagadal ken panagmulada ti mais babaen ken ni Mr. Catalino C. Serdenia. FFS Participant, Presentor. Kalpasan ti Invocation ken pannakakanta ti National Anthem ken ti Cabugao Hymn, naaramid ti Panatang Maka-Palay babaen ti panangidaulo ni Mr. Leandro C. Castro, FFS Participant.

Binagi ni Mr. Nereo S. Daproza, AT, Municipal Rice Program Coordinator ken FFS Facilitator  iti nangiyam-ammo kadagiti Sangaili  ken nagpartisipar.

Iti Opening Remarks, imbagian ni Kagawad Fredel Tito N. Castillo ni Brgy. Captain Jun C. Basquez. Kinablaawanna dagiti padana nga agturpos ken dagiti Opisiales ti DA Region, OPAG-Ilocos Sur  ken ti DA-LGU Cabugao a timmalantan.


Nangipaay ti napateg nga Impression da Mr. Avelino S. Castillo ken ni Ms. Teresita C., Serdenia, agpada nga FFS Participants.

Kalpasan iti Intermission Number dagiti aggraduar, impresentar ni Mr. Obas Bill Y. Baclig, AT, FFS Co-Facilitator dagiti agturpos iti adal a mannalon. Kinompirmar ida ni Ms. Wilma A. Ibea, OIC, Ilocos Norte Research and Experiment Center (INREC). Pinagyamanan ni Mrs. Ibea iti agtultuloy a napintas a pannakikammayet ti LGU-Cabugao kadagiti programa ti DA-RFO 1 kas kadaytoy a panagadal. Kinablaawan ti DA Official dagiti nagturpos ken nangtarabay manipud iti LGU-Cabugao. Kangrunaan nga anag ti panagmensahena ket isu ti pannakanayon koma manen daytoy a  naballigi a panagadal ken panagmulada ket kiniddawna ti agtultuloy a kooperasion ti amin a maseknan tapno agballigi latta dagiti programa a mangpasayaat pay  ti panagbiag dagiti mannalon iti barangay ti ili a  Cabugao.

Kalpasan a naited dagiti Certificates, nag-Closing Remarks ni Municipal Agriculturist Zenaida S. Andrada. Nagpaay met  nga Emcee da Mr. Edward C. Castillo, Mrs. Violeta G. Savella ken ni Mr. Nereo S. Daproza. # (Web In-Action)

No comments:

Post a Comment